ललितपुर/२६ जेठ, नेपाल सरकारले आज जेठ २६ गते आइतबार काठमाडौ उपत्यकामा सार्वजनिक बिदा दिने निर्णय गरेको छ । वर्षा र सहकालका देवता मच्छिन्द्रनाथको भोटो देखाउने भोटो जात्राको अवसरमा सरकारले सार्वजनिक बिदा दिने निर्णय गरेको हो । आजै जावलाखेलमा राष्ट्रपति विद्यादेवी भण्डारीले मच्छिन्द्रनाथको भोटो देखाउने कार्यक्रम रहेको छ ।
भोटो जात्रा देखाउने समारोहमा राष्ट्रपति विद्यादेवी भण्डारी उपस्थित हुने कार्यक्रम रहेको छ । त्यस्तै, विशिष्ट व्यक्तिहरू उपस्थित हुने कार्यक्रम रहेको गुठी संस्थान ललितपुरले जनाएको छ ।

रातो मच्छेन्द्रनाथको रथ थतीचोक लगनखेलबाट तानेर बिहीबार जावलाखेल पुर्‍याएको थियो । जावलाखेल पुर्‍याएको चौथो दिन भोटो देखाउने परम्पराअनुसार आइतबार भोटो देखाउन लागिएको गुठी संस्थान ललितपुरका प्रमुख शैलेन्द्र पौडेलले बताए । गुर्जु पल्टनको सलामी, बाजा, नृत्यसहित रातो मच्छेन्द्रनाथको रथ अघि र पछि मीननाथको रथ थतीचोकबाट जावलाखेल पुर्‍याएको हो ।

आइतबार साँझ पाँच बजे जावलाखेलमा रातो मच्छेन्द्रनाथको भोटो देखाइनेछ । गुठी संस्थानका प्रमुख पौडेलले राष्ट्रपतिको उपस्थितिमा भोटो देखाउनेछन् । आइतबार बिहान आठ बजे बुंगमतीबाट मच्छेन्द्रनाथको भोटो ल्याइनेछ । भोटो देखाइसकेपछि पनि पुनः बुंगमतीमै पुर्‍याइनेछ ।

LEAVE A REPLY

Please enter your comment!
Please enter your name here